ئەم هەواڵە بڵاوبكەوە
FaceBook  Twitter  

نیزام شەبیب

لەشارەدێی ڕزگاری سەر بە شارۆچكەی كەلار، حزبی شیوعی كوردستان، هەڵمەتێكی پاكردنەوەی شوێنە گشتیەكانی شارەدێیەكەی ئەنجام دا . 

بەیانی ئەمڕۆ كۆمیتەی ڕزگاری حزبی شیوعی كوردستان، وەك ئەركێكی نیشتیمانی، هەڵمەتێكی پاككردنەوەی بۆ شوێنە گشتیەكانی شارەدێی ڕزگاری ئەنجامدا. 

تاهیر محەمەد بەرپرسی كۆمیتەی ڕێكخستنی ڕزگاری حزبی شیوعی كوردستان بۆ رێگای كوردستان وتی : دوای ئەوەی كۆمپانیاكانی پاككردنەوەی خوڵ و خاشاكی نێو شارەدێیەكەمان، دەستیان لەكار هەڵگرت وەك شوێنەكانی تری سنوری گەرمیان، وەك ئەركێكی نیشتیمانی و كارێكی سەر شانمان، هەڵمەتێكی پاككردنەوەی شوێنە گشتیەكانی ڕزگاریمان ئەنجامدا. 

تاهیر محەمەد وتیشی: هەڵمەتەكەمان لە پاركی گەنجانی شارەدێییەكەوە دەست پێكرد و دواتر شەقامی جوت سایدی شەهید عەلی محەمەدو دووكان و ماڵەكانی سەر ئەو شەقامە و بەردەم مزگەوتی ئیمام حەمزەمان ـ پاككردەوە لەو خوڵ و خاشاكانەی، كە ماوەی چەند ڕۆژێكە هەڵنەگیرابوون لە لایەن كۆمپانیاكانی پاككردنەوەوە. 

هەروەها ناوبراو باسی لەوەشكرد، دوای كۆكردنەوەی ئەو هەموو خوڵ و خاشاكانەی كۆمان كردەوە بە ئۆتۆمبیلەكانی خۆمانن بردمانە ئەو شوێنەی، كە تایبەتە بە خوڵ و خاشاكی هەموو ناوچەكانی گەرمیانی .