ئەم هەواڵە بڵاوبكەوە
FaceBook  Twitter  

حزبی شیوعی كوردستان، داوای دەكات لێكۆڵینەوە بكرێت لە ستوتانی بازاڕەكەی كەركوك، دەڵێت" ئیدارەی كەركوك بەكەمتەرخەم دەزانین لەم ڕووداوە".

ئەمڕۆ چوارشەممە، 28ی تشرینی دووەمی 2018، كۆمیتەی پارێزگای كەركوكی حزبی شیوعی كوردستان، لە بەیاننامەیەكدا رایدەگەینێت: دڵگرانین بەو زیانە زۆرە مادیەی كە بەهۆی ئاگركەوتنەوە لە بازاڕی قەیسەری  كەوت و بووە هۆی سوتانی سەدان دوكان و شوێنی پەیداكردنی بژێوی رۆژانەتان و بێکاربونی سەدان كرێكار كە پەیداكردنی بژێویان لەسەر بازوو مەچەكی رۆژانەی خۆیان بووە.

لە بەشێكی تریشی بەیاننامەیەكدا هاتووە: ئێمە لەم ڕوداوە نەخوازراوەدا ئیدارەی كەركوك بەكەمتەرخەم دەزانین لە پاراستنی بازاڕەكە لە ڕوی دابینكردنی پێداویستی فریاكەوتن و پاسەوانی تایبەت، هاوكات داواش دەکەین ئیدارەی كەركوك دەستبەجێ لیژنەیەكی لێكۆڵینەوە لەو ڕوداوە پێكبێهنێت و لێکۆڵینەوەی وردی تێدابكات و هۆكارەكەی ئاشكرا بكات.

لە كۆتایی بەیاننامەیەكدا ئەوەش خراوەتەڕوو: داوا لە حكومەتی عێراق دەكەین پەلەبكات لە قەرەبوكردنەوەی زیانلێكەوتوانی ڕوداوەكە بەتەواوی دوكاندارو كاسبكارو ئەو كرێكارانەی كە بەهۆی روداوەكەوە بێكاربونەو كارەكانیان لەدەستداوە.

 

 دەقی بەیاننامەكە:

بەیاننامەی هاوپشتی لە خاوەنكارو دوكاندارەکانی قەیسەری كەركوك

جەماوەری شاری كەركوك بە سەرجەم پێكهاتەكانیەوە

بەناوی كۆمیتەی پارێزگای كەركوكی حزبی شیوعی كوردستان دڵگرانین بەو زیانە زۆرە مادیەی كە بەهۆی ئاگركەوتنەوە لە بازاڕی قەیسەری بەر ئێوە كەوت و بووە هۆی سوتانی سەدان دوكان و شوێنی پەیداكردنی بژێوی رۆژانەتان و بێکاربونی سەدان كرێكار كە پەیداكردنی بژێویان لەسەر بازوو مەچەكی رۆژانەی خۆیان بووە.

ئێمە لەم ڕوداوە نەخوازراوەدا ئیدارەی كەركوك بەكەمتەرخەم دەزانین لە پاراستنی بازاڕەكە لە ڕوی دابینكردنی پێداویستی فریاكەوتن و پاسەوانی تایبەت، هاوكات داواش دەکەین ئیدارەی كەركوك دەستبەجێ لیژنەیەكی لێكۆڵینەوە لەو ڕوداوە پێكبێهنێت و لێکۆڵینەوەی وردی تێدابكات و هۆكارەكەی ئاشكرا بكات. 

هەروەها داوا لە حكومەتی عێراق دەكەین پەلەبكات لە قەرەبوكردنەوەی زیانلێكەوتوانی ڕوداوەكە بەتەواوی دوكاندارو كاسبكارو ئەو كرێكارانەی كە بەهۆی روداوەكەوە بێكاربونەو كارەكانیان لەدەستداوە

حزبی شیوعی كوردستان

كۆمیتەی پارێزگای كەركوك 

28/11/2018

 

چالاکی حزبی