ئەمە بڵاوبكەوە
FaceBook  Twitter  

 

رێگای كوردستان-هەولێر

تایبەتمەندی جوتیارانی حزبی شیوعی كوردستان، سەردانی نوسینگەی پەرلەمانی عێراق دەكات لە شاری هەولێر.

رۆژی پێنجشەممە، 1-8-2019 لە شاری هەولێر وەفدێكی تایبەتمەندی جوتیارانی حزبی شیوعی کوردستان، سەردانی نوسینگەی پەرلەمانی عێراق دەكەن و یاداشتێکیشى داوەتە نوسینگەكە، بۆداکۆکی کردن لەمافی ڕەوای جوتیاران و وەرگرتنەوەی شایستە داراییەکان و قەرەبوی کارەساتی سروشتی وسوتانی گەنمو و مڕەشە وکەلوپەلی جوتیاران بۆچارەسەرکردنی کێشەی خاوەن دارێتی زەوی لەسنوری مادەی 140.

دەقی یاداشتەكە:

بەڕێزان لە ئەنجومەنی نوێنەرانی عێراق

بەڕێزسەرۆكی ئەنجومەنی وەزیران

بەڕێزان لایەنەپەیوەندیدارەكان

بەڕێزان وەك دەزانن كێشەی جووتیاران ماوەیەكی زۆری خایاند كە بەشێك لە كێشەكان چەندین ساڵە بەردەوامی هەیە، بۆیە ئێمە لە 7/3/2018 یاداشتێمان لەسەر شایستە داراییەكانی جووتیاران پێشكەش كرد و لە نیسانی ئەمساڵیشدا یاداشتێكمان بە واژووی نزیكەی(3000) جوتیار ئاراستەی پەرلەمانی كوردستان كرد، بەڵام بەداخەوە وەڵامێك نەبووە، تەنیا ئەوە نەبێ كە دەڵێن لێژنەی بۆ پێكهێنراوە و لە واقیعیشدا هیچ ئەنجامێك دیار نییە. بۆیە جارێكی تر پێداگری لەسەر مافەكانمان دەكەینەوە كە خۆی لەچەند خاڵێك دەبینێتەوە.

1- خەرجكردنی شایستەداراییەكانی جووتیاران بۆ ساڵانی( 2014 و 2015 و 2016).

2-قەرەبووی زیان لێكەوتەوەكانی رووداوە سروشتیەكان، وەكو تەزرە و لافاو.

3-قەرەبووی زیان لێكەوتوانی ئاگر و سوتانی دەغڵودان و مەڕەشە و رەزوباغ و پڕۆژە و كەلوپەل و ئامێرەكانی كشتوكاڵ.

4- پێكهێنانی لێژنەیەك بۆ كۆتایی بە كێشەی زەویی كشتوكاڵی لەسنوری مادەی 140 كە ئێستا رێگریی لە بەكارهێنانی زەوییەكانیان دەكرێت.

5- هەڵوەشانەوەی بڕیاری گۆڕینی خاوەندارێتی زەوی كە لەلایەن لێژنەی كاروباری باكوور و سەركردایەتی شۆڕشی بەعسی هەڵوەشاوە، دەركران و دووبارە بەناوكردنەوەی زەوییەكانی سنووری مادەی 140 بۆ سەر ناوی خاوەنە رەسەنەكانیان.

تایبەتمەندی جوتیارانی حزبی شیوعی كوردستان

تەمووزی 2019

Image may contain: 4 people, including Jawhar Saida, people sitting and indoor

Image may contain: 2 people, people sitting

Image may contain: 3 people, including Khalid Tahir, people sitting and beard

 

 

چالاکی حزبی