ئەمە بڵاوبكەوە
FaceBook  Twitter  

 كاسترۆ مەعروف بۆ كوێستان محەمەد: كرێکاران 72 ڕۆژە مووچەیان وەرنەگرتووە

رێگای كوردستان

كاسترۆ مەعروف، ئەندامی ئەنجومەنی پارێزگای سلێمانی، داواكارییەك ئاراستەی کوێستان محەمەد وەزیری کاروباری کۆمەڵایەتی حکومەتی هەرێمی کوردستان دەكات و رایدەگەیەنێت: كرێکارانی پاک کەرەوەی خوڵ و خاشاک لەگەرمیان لەجیاتی ئەوەی ڕێزیان لێ بگیریت، مووچەکانیان پێ بە ڕەوا نابینرێت و 72 ڕۆژە دینارێکیان وەرنەگرتووە.

ئەمەی خوارەوە دەقەكەێتی:

بۆ بەڕێز خاتوو کوێستان محەمەد وەزیری کاروباری کۆمەڵایەتی حکومەتی هەرێمی کوردستان 

بابەت /داواکاری 

لای بەڕێزتان ئاشکرایه کرێکارانی پاک کەرەوەی خوڵ و خاشاک لەگەرمیان، 72 ڕۆژە دینارێکیان وەرنەگرتوە، دۆخێکی خراپ لەسەر ژیانیان دروست بەوە لەجیاتی ئەوەی ڕێزیان لێ بگیریت کە ژیانیان لەپێناو پاراستنی ژیانی ئێمە دەبەخشن بەشەو بەڕۆژ بەهێزی بیرو بازوویان بەردەوامن لەکار کردن کەچی مووچەکانیان پێ بە ڕەوا نابینریت. بۆیە ئێمە بەئەرکی سەرشانی خۆمانی دەزانین پشتیوانیان لێ بکەین داوا لەبەڕێزتان بکەین هەوڵی جدی بدەن بۆیەکلای کردنەوەی ئەو بابەتە بدەن هەرچی زووە کاربۆ چارەسەر کردنی پێدانی موچە کانیان بکەن لەکاتی خۆیدا .

لەگەڵ ڕێزدا .

کاسترۆ مەعروف

ئەندامی ئەنجومەنی پارێزگای سلێمانی 

12-4-2020

چالاکی حزبی