ئەم هەواڵە بڵاوبكەوە
FaceBook  Twitter  

دكتۆر كاوە مەحمود سكرتێری كۆمیتەی ناوەندی حزبی شیوعی كوردستان بە یاوەری ژمارەیەك لە هاوڕێیانی كۆمیتەی ناوەندی و پەیوەندییەكانی ناوەندی لە بارەگای مەكتەبی سیاسی لە هەولێر پێشوایان لە شاندێكی بزووتنەوەی چاكسازی كوردی سوریا بەسەرۆكایەتی فەیسەڵ یوسف ئەمینداری گشتی بزووتنەوەكە كرد.

سەردانەكەی شاندی میوان بەمەبەستی پیرۆزبایی بە بۆنەی كۆنگرەی شەشەمی حزبی شیوعی كوردستانەوە بوو.

فەیسەڵ یوسف ئەمینداری گشتی چاكسازی كوردی سوریا و شاندەكەی هاوڕێی بەبۆنەی سەركەوتنی كۆنگرەی شەشەمی حزبی شیوعی كوردستانەوە بە گەرمی پیرۆزباییان لە دكتۆر كاوە مەحمود سكرتێری كۆمیتەی ناوەندی حزبی شیوعی كوردستان كرد، لەبەرامبەردا دكتۆر كاوە مەحمود زۆر سوپاسی شاندی میوانی كرد بۆ ئەو سەردان و پیرۆزباییە.

 

لەلایەكی دیكەوە سكرتێری كۆمیتەی ناوەندی حزبی شیوعی كوردستان بەیاوەری ژمارەیەك لە ئەندامانی كۆمیتەی ناوەندی و پەیوەندییەكانی ناوەندی پێشوازیان لە شاندێكی رێكخراوی هزری یاسا بەسەرۆكایەتی سەردار هەركی كرد.

شاندی میوان پیرۆزبایی گەرمیان ئاڕاستەی دكتۆر كاوە مەحمود كرد بەبۆنەی سەركەوتنی كۆنگرەی شەشەمی حزبی شیوعی كوردستان و لەبەرامبەردا سكرتێری كۆمیتەی ناوەندی حزبی شیوعی كوردستان سوپاسی شاندی میوانی كرد.