ئەم هەواڵە بڵاوبكەوە
FaceBook  Twitter  

كۆمیتەتی مەحەلی ئازادی حزبی شیوعی كوردستان لە رانیە ساڵڕۆژی دامەزراندنی حزبی شیوعی بەرز ڕادەگرێ .

بۆ ئەم مەبەستە سەرلەبەیانی رۆژی شەممە، هاوڕێیانی كۆمیتەی مەحەلی ئازادی كە پێكهاتبوون لە بەرپرس و كارگێڕ و ئەندامانی كۆمیتە، لەگەڵ ژمارەیەك لە كادیر و ئەندامانی حزب لە سنوری ڕاپەڕین لە بارەگای مەحەلی ئازادی پێشوازیان كرد لە شاندو نوێنەرانی ژمارەیەك پارتە سیاسیەكان و كەسایەتی و خەڵكی سنوری ڕاپەڕین كە بۆ گەیاندنی پیرۆزبایی خۆیان بەبۆنەی هەشتاو سێ ساڵەی دامەزرادنی حزبی شیوعی عێراق و حزبی شیوعی كوردستان سەردانی بارەگای كۆمیتەی ئازادیان كردبوو.

لەو سەردانانەدا میوانان پیرۆزبایی خۆیان بەهاوڕێیان ڕاگەیاندو هیوای سەركەوتنیان بۆ خواستن ، لە بەرامبەردا هاوڕێیانی كۆمیتەی محەلی ئازادی بەڵێنی تێكۆشانیان لەپێناو ئامانجە وەدینەهاتووەكانی گەلەكەمان و سور بوون بە گوڕو تینی زیاتر لەسەر داواكاریە ڕەواكانی خەڵك دووپاتكردەوە .

هەروەك دووپاتی ئەوەیان كردەوە كە حزبی شەهیدان هەمیشە لە بەرەی داواكاریەكانی خەڵك بووە و هەر بەو شێوەیەش دەمێنێتەوە بە تایبەت لەو قۆناغەدا كە ناوچەكە بەگشتی و هەرێمی كوردستان و عێراق بەتایبەتی، بە بارودۆخێكی هەستیارو گرنگدا گوزەر دەكەن.

چالاکی حزبی