ئەم هەواڵە بڵاوبكەوە
FaceBook  Twitter  

سەلام عومەر

 

کاکم...

لای چەپی مردووە

نیوەکەیدی ماندوویەو

ژیان بەقورسی بەدوی خۆیدا رادەکێشێ

کاکم...

هاوڕێیەکی مردوی هەیە

هەمیشە بەیەکەوەن

زگی پێدەسوتێ و

هەرچی بخوا بەشی ئەویش دەدا

کاکم...

دوعای چاکبوونەوە بۆ مردن دەکا

بە تەیموم نوێژ دەکا

دەگریاو

ناڵە ناڵی ئەو

جگە لە خودا دەگاتە هەمومان

کاکم...

گلەیی لە خودا دەکا

مستێک لە کورسییە ماندوەکەی دەداو

هەمومان دەترسێنێ

هەمومان ناچاری پاڕانەوە دەکا

کاکم...

بەیانیەک مردو

نیوەی ژیایەوە

ئێستا ئەو

هاوڕێیەکی مردوی هەیە

حەزناکا لە گەڵی بڕوا

لایخۆی هێشتویەتیەوە

کاکم...

کەس وەکو کاکم مردن ناناسێ.