ئەم هەواڵە بڵاوبكەوە
FaceBook  Twitter  

زۆر كەسایەتی هەن ساڵانێكە لە بواری هونەریدا خزمەتێكی شایستەیان كردووە، بەڵام بەپێی پێویست زومی كامیراو یاخود راگەیاندنكاران لە نزیكەوە ئاگاداری كار‌و چالاكییەكانیان نەبوونە‌و هەشیانە بە پێچەوانەوە دیار‌و بەرچاوبوونە، پێمان باش بوو تەوەرێك بكەینەوە‌و چەند پرسیارێكی سادە‌و ساكار لەو هونەرمەندە ئازیزانە بكەین كە دەمێكە بوونەتە مۆمێك بۆ ئەوەی هونەر لەو وڵاتدا بە زیندووی بهێلنەوە، لێیان دەپرسین *جگە لە كاری هونەری بەچی سەرقاڵی؟ *بەرنامەی نوێتان چییە؟ *ئایا ئەوەی دەرچووی پەیمانگای هونەرە جوانەكان بێت دەتوانین پێیان بڵێین هونەرمەند ؟ *بۆچی بەشێكی زۆری قوتابیانی پەیمانگاو كۆلێژی هونەرە جوانەكان دوای دەرچوونیان لەو پەیمانگایە ناتوانن درێژە بە كارە هونەرییەكانیان بدەن؟

ئا: هێرش مەغدید

لەدایك بووی قەزای دووبزم سەر بە پارێزگای كەركوك ١٩٧٨ قۆناغەكانی خوێندنم لە شاری هەولێر تەواوكردووە، دەرچووی كۆلیژی زمان ئێواران /بەشی زمانی ئینگلیزیم لە ساڵی ٢٠٠٩، ماوەی نۆ ساڵە لە وڵاتی فیلندا نیشتەجێم، هەر لێرەش ساڵی ٢٠١٦ بە سەركەوتووی خوێندنم تەواوكرد لە بواری ئەندازەی ئامێرسازی لە ئامێری CNC كە تایبەتە بە دروستكردنی ئامیرەكان، ئێستاش لە كۆمپانیای مێرسێدس بینز كار دەكەم.

+هونەری شێوەكاری وەك بەشێكی دانەبڕاو لە ژیانم هاورێگام بووە هەمیشە كاتە بەتاڵاكانم بە وێنەكێشان و هونەر تەرخانكردووە، لەگەڵا ئەوەش لە ساڵانی رابردوو لە زۆر بواری تر خزمەتم بە كۆمەڵگاكەمان كردووە چ لەبواری رۆشەنبیری و پێگەیاندنی قووتابیان و لاوان لە رێكخراوەكاندا .

+وەك بەرنامە بۆ داهاتوو، چ لە بواری خۆێندن و چ لە بواری هونەری لە هەوڵدام بۆ خوێندنی ماستەر لە بواری زمانەوانی زمانی ئینگلیزی لە ووڵاتی بەریتانیا، هەروەها لە بواری هونەری شێواكاریش لە سەرەتای مانگی داهاتوو مانگی July لە شاری ئووسی كاوپونكی سێیەم پێشانگای تایبەت بە هونەری شێوەكاری دەكەمەوە ، جێگای خۆشحاڵیمە كە ئامادەكردنێكی تەواوم كردووە لەم پێشەنگایە.

+لەلای من هەموو ئەوانەی خەریكی كاری هونەرین‌و بەرهەمی ناوازەیان هەیە دەتوانم پێیان بڵێم هونەرمەندن، بەڵام بەداخەوە هونەر لە كوردستان ناتوانێت بژێوی ژیان دابین بكات بۆیە بەشی هەرە زۆری قوتابیانی پەیمانگاو كۆلێژی هونەرەجوانەكان دوای تەواوكردنی خوێندنیان ناتوانن بەردەوام بن لەو كارە پیرۆزە.

images/img/adab-hwnar/tap3.jpg

 

 

 

  • 1