ئەمە بڵاوبكەوە
FaceBook  Twitter  

 

 تۆ بۆ كوێ چووی ؟

ئاوا ئه‌سپی كه‌ره‌ندی خۆت جێ هێشتووه‌ و

منت داوه‌ته‌ بای زه‌مان

تۆ بۆ كوێ چووی شمشاڵی خۆت

بۆ حه‌یرانی پڕ له‌ ناڵه‌م جێهێشتووه‌

منت داوه‌ته‌ ده‌ست پاچ و ره‌نده‌ی ڕمان؟

ئێستا ته‌نهام

له‌ كوره‌ی باخی نیشتیمان

خه‌مبارترین ئاگر تاشم

له‌ كانی گڕی نیشتیمان

تێنووترین ئاگرنۆشم

تۆ بۆ كوێ چووی

ئه‌سپ و كه‌وان و شمشاڵت جێهێشتووه‌

كیسه‌ی خه‌م و دارجگه‌ره‌ت

له‌ نێو شیعره‌كانی مندا جێهێشتووه‌

تۆ بۆ كوێ چووی؟