ئەمە بڵاوبكەوە
FaceBook  Twitter  

وەرە با من و تۆ

دوور لە ژاوە ژاوی مرۆڤەکان

پشووێک بدەین

لەژێر سێبەری پەڵکە زێرینەی

دوای بارینی بارانێکی

ئەم بەهارە

سەرچەفێک لە سەوزەگیا و

سەرینێک لە گوڵالە سورە 

تا هەردووکمان کۆکاتەوە

با زمانی جەستەش

دادوەریەک لەنێوانمانا بکا 

تۆ نیگاکانت بکه بەچرا

کە تاریکی هات 

منیش لێوم دەکەم بە 

کانیلەی سۆز و

تا نەرم نەرم لێوت تەڕکات 

من پەنجەکانم دەکەم بە

شانەیەک تا لە نێو قژتا

سەما بکات 

تۆش دەستەکانت بکە بە

ستیانێک با چاوی خۆر

لە جیاتی تۆ سەیرم نەکات 

تۆ بە عەتری هەناسەکانت 

دامپۆشە

تا غیرە لەتریفەی مانگ

نەکەیت،

منش دەنگی خورپەکانی دڵم

دەکەم بەخۆشترین 

مۆسیقات !