ئەمە بڵاوبكەوە
FaceBook  Twitter  

  

هاتم

لە دەرگای ماڵتانمداو تۆ کرتەوە

نیگاکانت ئاگرین بوون

سیاسی بوون

زۆر یاخی بوون

بەڵام هەر زوو داتخستەوە

هەر لەوێ بووم گوتیان کێیە؟

تۆش پێتگوتن ....

سواڵکەرێکی لات و پاتە

قەت نەتزانی ئەو سواڵکەرە

پارتیزانێکی دوێنێیە

بۆ هەمیشەو...

تا شەهید بوون بەتەماتە،

بۆ دەرگات لەڕو داخستم

پێمبڵێ بۆ

پەڕۆی سواڵت دایە دەستم

هەر بەبێ هۆ

بەڕەی نامۆ بوونی خۆت

هەر لەبەر دەرگای ماڵی خۆت

بۆ راخستم؟

قەت نەتزانی لەسەر داواکەی خۆم سوورم؟

قەت نەتزانی؟

نە لە هەڵەی رابردووت و

ئێستاو ئایندەت نابوورم.