ئەمە بڵاوبكەوە
FaceBook  Twitter  

بۆ ئافاتێك دێم

تەرمێكی بۆگەنم پێیە

هاتم بڕێكیش وەستام پاژنەی ئەو دووكەڵ وهەورانەم بینی بەدەم خواردنەوەی چە ند تێكستێكی پەمەیی 

سەرم لەوێ جێهێشت

درەنگ

دەرگەی پێڵاوەكان كرایەوە

دانیشتنێك پرسیاری بارانی دەكردوو 

لەژێر دڵی پەنجەكانمدا

سێبەری سەرابەكانم گریا

بەچاوم دا هاتەخوار

گۆرانی شەهید

دەنگی بارانە خنكاوەكان

زەردەخەنەیەكی بێ باڵ

لە ڕۆخ 

دەریایەك كەوتبوو

لێ نەمزانی

چ 

منداڵێك

خەریكی نوسینەوەی

تاریكیە

نەمزانی

چ 

منداڵێك دەیەوێت باران ئاوس بكات و

سرودەكانی نیشتیمان 

پێ ئاو بدات