ئەمە بڵاوبكەوە
FaceBook  Twitter  

ئەم شەو

وەک شەوانی تر

بەدیار وێنەکەت خەوتم

خەوم بینی 

لەم خەوما لەسەر کەنارێک

وەستابوم 

باسی عەشقی تۆم بۆ

ماسیە بچوکەکان دەگێڕاوە 

هەرچی بۆنی مێخەک و قەنەفڵ و

حەمبەرە

خۆیان بەگەردەنم هەڵواسیوە 

من لەخەیاڵ کردنی پیاوێک بوم

لەڕەنگی عەشق 

بۆنی عەشق و هەناسەی دەریا

خەیاڵەکەی منیان هەڵگێڕاوە 

ئەو لێرەیە 

ماسیەکان نقوم بون و ئەستێرەکان

چاویان داخست 

ئاخر شەرم دەیانگرێ ئێمە لەئامێزی

یەکتر ببینن 

تۆ دەستەکانت تەزیوە 

من هەرچی مێخەک وقەنەفڵی

سەر سینەم بوو پچڕاندم

تا جێ پەنجەکانت بکەمەوە 

تۆ حەزت دەکرت تالە قژەکانم

کۆکەیتەوە 

تاڕوخسارم لە تۆ نەشارنەوە 

منیش گوڵمەکانم سوور هەڵگەڕان 

هێندەی لە لێوەکانت خشان 

دەریا بەو دیمەنە هێمنتر بوو

گەڵاکان بێ جولە 

ئەو شەوە بەیەک گەیشتنی 

دوو جەستە چ لەزەتێکی 

پێبەخشین

خەیاڵێکی کرد بە خەون

خەونێکیش بە ڕاستەقینە