ئەمە بڵاوبكەوە
FaceBook  Twitter  

تا ئەوسەری ماڵی مێروولەكان هەر بەدوای كۆكردنەوەی یادەوەریەكانی گەنم و نزای ئەوە بێوەژنانەی دوای جەنگ دا دەگەڕێم

چەند فرمێسكی ئاسمانم ژماردن

چەند گەورەبوونی درەختەكانم سەیر كردن

چەند دەنگی ئەو لاوكانە هاتنە بەر گوێم

ئێرە ئەو عێڕاقەیە هەر بریندار دەبێت

هەر غەریب و غەریب تر دەبێت

تا ئەوسەری سەرەوەی ئاسمان دەچم و

بۆنی شاعیری مردووی لێدێت

بۆنی مەلائیكەی خەسیوو قاحبەی درۆزنی لێدێت

بۆنی خودایەك ناكەم وموچوڕكی میهرەبانی باران نابینم

تا ئەوسەری خوێن گەڕام

هەر خۆم خوێن و

هەر دڵم خوێن و

هەر شعورم خوێن و

هەر نەتەوەم خوێن و

هەر كتێبەكانی پۆلی یەك خوێن ..خوێن دەڕژێ

ئەو عێڕاقە

هەر دەڕۆم ولەكۆڵم نابێتەوە

هەر دەڕۆم وشوناسی عێڕاقی بوونم ون نابێت

هەر دەڕۆم وسێبەری بەهشتێكم دەست نەكەوت

دەڕۆم وپێغەمەبەرێكم لێ پەیدا نەبوو

دەڕۆم و

دەڕۆم

ئەو عێڕاقە پشتی بەپشتمەوە گرێداوەو تا خوا حەز بكات توڕەیەولەسەر هەڵدانی خودایەك سۆراخی نیە

لە ئاشتبوونەوەی زەریاكان سۆراخی نیە

لەمردنی

نیشتیمان وفرۆشتنی شەنگالیەكان سۆراخی نیە

ئەو عێڕاقە لەهیچ شتێكی خۆی ناپرسێتەوە

لەسەردەمی خەلافەتەوە

هەر

خوێن و ڕەگی تاریكی ئاودەدرێت

~~~~~~

 

----------

٥/١٠/٢٠١٩