ئەمە بڵاوبكەوە
FaceBook  Twitter  

من لەسێبەری خۆم دەترسم

 

ئەمڕۆ تۆ لێرە نەبووی

ژنێك بە چاوانی

ئاماژەی بۆ کردم

من ترسام

ژنێك بوو

باسی وەرینی گەڵاکان نەکات و

لە دەنگی با بترسێ

من حەزم دەکرد

ئەمڕۆ زیاتر

لە ترسی پۆلیسی ھاتوچۆ و

دیواری ژوورەکەم و

بێدەنگی تۆ دوورتر بڕۆم

ئەمڕۆ

ژنێك کراسێکی نیلی پۆشی بوو

من لە ڕەنگ و دەنگ و جوانی ژن

فێر دەبم

ژیان بەس بەخشینە

چیتر ڕەنگ و دەنگ و

ژیان بێ تۆ

ئەو جوانییە نییە

کە تۆ بە من دەیبەخشی

ئەمڕۆ تۆ لەوێ نەبووی

من رەنگ و سەماو بێ دەنگی تۆم

بە با سپارد

تۆ لەوێ بووی

من خۆم بەتۆوە ھەڵواسی

ئەھا ژیان چی بە من دەکا

ئەمڕۆ پێکەوە باین

گوێمان لە گۆرانی دەبوو

یان بە شەرمەوە

پێم دەگوتی لە دووریت دەترسم

ئەمڕۆ بێ تۆ بووم

بیرم لای خۆم بوو

تۆ دوور مەکەوە

من لە سێبەری خۆم دەترسم