ئەمە بڵاوبكەوە
FaceBook  Twitter  

نووسینی|ئەحمەد كامەران

تەمەنی من...

وەكو ڕەشەبایەكی بەهێز وایە.

خێرا دێت ...

خێرا دەڕوات...

***

ئەگەر كۆنترۆلی تەمەنم بەدەستی خۆم بوایە

راستەوخۆ دەگەڕامەوە بۆ ئەو تەمەنەی كە,

پڕبوون لە یادەوەری جوان جوان بۆم, كە هیچ

كاتێك ناتوانم لە یادیان بكەم,بەڵام

هەركاتێكیش ئەو تەمەنەم بە نێو هزرم دا دێتەوە

گڵپەیەكی ئاگر لەنێو ناخی دڵم دا هەڵدەگیسرێت

هەڵگیسرانی ئەو گڵپە ئاگرەی نێو ناخی دڵم

هەروەكو هەڵگیرسانی جەنگێكی خوێناوی وایە

***

یادەوەریەكانی تەمەنی منداڵیم لە بەشێكی

كووچە و كۆڵانەكانی ئەم شار و ئەو شار كەوتوە

كە هیچ كاتێك ناتوانم كۆیان بكەمەوە,چوونكە

لەگەڵ تێپەربوونی هەرتەمەنێكم یادەوەریەكانیشم

كەوتۆتە نێو دیلی تەمەنەوە.

***

ئەم شەو لە كووچەیەكی ئەم شارەوە ...

دڵۆپ دڵۆپ فرمێسكی نێو ناخم هەڵدەڕێژم

بۆ دیلەكانی تەمەنم...

***

تەمەنم هەروەكو گەڵای دارەكانی لێهاتووە

ساڵ بە ساڵ لە هەڵوەرین و ماڵئاوایی دایە 

ئەم ساڵیش لە چاوەڕوانی ساڵێكی تردام 

بۆ ماڵئاوایی لە تەمەنێكی ترم...

***

ئاخۆ دەبێت لە چاوەڕوانی ئەو ڕۆژەش دا بم

كە بۆ هەتا هەتایە ماڵئاوایەكی گەرم

لە هەموو تەمەنەكانم دا بكەم .

 

 

 

18|10|2019