ئەمە بڵاوبكەوە
FaceBook  Twitter  

زاهیر ئیبراهیم- ڕواندز 

لە شاروچكەی ڕواندز كتێبخانەی علی مەكتەبە بە بەشداری خوێنەران و ڕۆشنبیران پیشانگای گەڕۆكی كتێب كردەوە، بۆ ماوەی سێ ڕۆژ بە داشكانی جۆراو جۆر بەردەوام دەبێت ، سەدان بابەتی ڕۆشنبیری و فكری و ئەدەبی و دەروونناسی و زانیاری گەشتی بە بەشداری چەند دەزگایەكی چاپ نمایشكراون.

ئەمیر عبدالله یەكێك لە خوێنەران و دانیشتووی شاروچكەی ڕواندز بۆ ڕێگای كوردستان باسی لە گرنگی كردنەوەی ئەو پیشانگایە كرد وتی" دەست خۆشی لە كتێبخانەی علی مەكتەبە دەكەم كە هەمیشە كارئاسانی بۆ خوێنەران دەكات و هانی دەزگاكان دەدات كە داشكان لە كتێبەكان بكەن ". وتیشی" هیوادارم ئەم پیشانگایە ببێتە دەرفەتێك بۆباشتر دەست كەوتنی كتێب بە شێوەی ئاسانتر و بە نرخی هەرزانتر، دیارە هەر كارێك بە ببێتەهۆی گرنگی دان بە بواری ڕۆشنبیری و هۆشیاركردنەوە بەلای منەوە كارێكی بایەخدارە ". 

هەروەها هەژار ئیبراهیم بەرێوەبەری كتێبخانەی علی مەكتەبە ڕایگەیاند " باسی لە ئامانجی كردنەوەی ئەو پیشانگایە كرد، وتی" لە شاروچكەی ڕواندز نەبوونی ئەو كتێبانەی كە لەم دووساڵەی دوایی چاپ كراون یەكێكە لە گرفتەكانی خوێنەران بە تایبەت ئەو كتێبانەی كە لەلایەن چەند دەزگایەك چاپ دەكرێت و لەلایەن خوێنەرانەوە خواستی لەسەر بەشێك لەم كتێبانە لە ڕواندز بە ئاسان دەست ناكەوێت بۆیە دەمانەوێت لە ڕووی كڕینیشەوە ئاسانكاری بۆ خوێنەران بكەین بە داشكان و هەزانتر كتێبەكانیان دەست بكەوێت ".

وتیشی" بەو پێیەی ڕواندز باكگراوندێكی ڕۆشنبیری و هونەری هەیە ئێمە وەك تێبخانەی علی مەكتەبە بەپێویستمانزانی كە ئەم پیشانگایە بكەینەوە بۆ ئەوەی تەكانێك بە بواری ڕۆشنبیری و هونەری لە ڕواندزبدەین".