ئەمە بڵاوبكەوە
FaceBook  Twitter  

 

گۆچانەكەی بابم 

كە ئی باپیرم بوو

كەوتۆتە ناو دەستی من و

رەمدەژێنێ‌

هێند دەجوڵێ‌

جەستەو دەست و

روحی نامۆم دەلەرزێنێ‌

دەیهاوێمە نێو نوێنەكان

دیوەكان و.....

تەواوی پەنجەرەكان و

بنمیچی خانوەكەشم دەبزوێنێ‌

*****

ئەو گۆچانە

ئی باپیری باپیرم بوو

لە شانەدەر دۆزیانەوە

كە دەشیبەمەوە ناو چیا

تاشەو تاوێر

بەسەر یەكدا دادەخزێنێ‌

هێڵە كۆنكرێتیەكانی تخوب

ستوونە سەرابیەكان

دادەڕزێنێ‌.

******

گۆچانەكەی بابم

هاتۆتە نێو دەستی من و....

كەوی نابێ‌

ئارام ناگرێ‌

راناوەستێ‌

گۆچانەكەم

نەقەت دەبێتە ئی من و

نە دەبێتە قۆچان و

ناشچێتە نێو هیچ گرێبەستێ‌.

2019