ئەمە بڵاوبكەوە
FaceBook  Twitter  

من ئەزانم 

لەم شاردا

گەڕان بەدووای خۆشیدا 

بێ سودە

لەچارەی ئەم شارەدا 

هەرگیز

نەنوسراوە شیعر

نەنوسراوە گرامێک خۆشی 

من ئەزانم 

لەم شارەدا 

خۆشی گەورەترین کفرە

بۆیە من دڵم بەم شارە خۆش نییە

ڕۆژێ لە شەقامەکانی ئەم شارەم

نەبینیوە دەستی کوڕوکچێ بخاتەناو دەستی یەکترییەوە

لەناو باخێکی پڕ لەمیودا

پیاسەیان پێبکات

کۆڵانێ بۆ بەهەشت بەرێت

دڵی بەقاڵەکانی ڕەحیماوە خۆشبکات

نەوتەکەی پارە بخاتە گیرفانی هەژارەکانەوە

بەمیوەی پێکەنین

سفرەی هەژارەکان بڕازێنێتەوە 

بستێ ڕوناکی بدات بەبیرکردنەوە بۆ کەمێک ژیان 

ئەم شارە لەوەتەی هەیە 

هەرشار نەبووە 

هەمیشە کەلاوەیە قەبر لێئەدات