ئەمە بڵاوبكەوە
FaceBook  Twitter  

تۆ کەنیوەی جەستەت هەورو

نیوەکەیتری بارانە

چدەبێ گەر، 

بەدەر لەوەرزی باریندا

بەخوڕ داکەیتەسەر مەزرای

مەڕاقی ئەو تەنیاییەم

گەڵاو گوڵی ئەو ئومێدەم

لەژەنگی خەم بشۆیتەوە؟

چدەبێ گەر سپێدەیەک

لەگەڵ چەخماخەی هەوردا

بروسکەیەک بخەیتە ناو

تاریکسانی ئەو ڕۆحەم 

ئیتر دوای شەبەیخونی خەم

ڕووەو ئاسمان بڕۆیتەوە؟

من کە ڕۆحم ئاوێتەی وەرزی پایزەو

گەڵای عومرم،

ڕیزی مردنیان گرتووە،

بەسەر سەر پێخوستی

وەرزێکی نیوەچڵدا تێدەپەڕن،

هەندێک لەسەمای مەرگدان

هەندێکیشیان بۆ درەختی نیوەڕووتی

نێوان دوو وەرزی عەشقدا،

نوشتاونەوە سەری کڕنۆشیان بردووە

سەرەتای وەرزی پایزی ٢٠٢٠