ئەمە بڵاوبكەوە
FaceBook  Twitter  

 

 

شەپۆلەکان

وەک ئەوانەی ئالودەی

ئامێز گۆڕینن

بۆ کەنار ماچ کردن

بەورووژم

باوەشی دەریا

بەجێ دەهێڵن

سەریان ئەدەن

بەتاشە بەردەلوسەکاناو

خۆیان بەسەر کەنارەکانا رائەخەن

گەردیلەی لم ئەبزوێنن

شوێن پێی

ماسی گرەکان ئەشۆنەوە

ناونیشانی نەخشێنراوی 

دڵدارەکان ئەسڕنەوە

بۆخۆهەڵکێشان و فیز نواندن

خۆی نیشانی دڵخوازەکەی ئەدات و

دیاریەکانیانی پێشکەش ئەکات و ئەگەرێتەوە 

کوڕە لاوەکان 

گوێچکە ماسیەکان کۆ ئەکەنەوە و

بۆ دڵخوازەکانیان گەردانەی لێ ئەهۆننەوە

هانۆڤەر 2019