ئەمە بڵاوبكەوە
FaceBook  Twitter  

ئا- كامران

 لەرێوڕسمێكدا لە شاری هەولێر كەلە هۆتێلی چوارچرا بەرێوەچوو، بەئامادەبوونی كۆمەڵی لە هونەرمەندان و نووسەرانی كورد و عەرەب پێنجەمین كتێبی هونەرمەند و نووسەر "كامەران حاجی ئەلیاس" لە ژێر ناوی (گرنگی دەق لەپرۆسەی نمایشی شانۆیی و چەند بابەتێكیتر) بڵاوكرایەوە .

لە بارەی كتێبەكە،لە لێداوانێكی تایبەت دا نووسەر و هونەرمەند "كامەران حاجی ئەلیاس" راگەیاند" كتێبی(گرنگی دەق لەپرۆسەی نمایشی شانۆیی و چەند بابەتێكیتر) لە 168 لاپەڕەی مام ناوەند پێك هاتووە ، بەسپۆنسەری حەفتەمین فێستیڤاڵی نێودەوڵەتی هەولێر بۆ شانۆ چاپ و بڵاكراوەتەوە، نەخشەسازی و بەرگ لە لایەن هونەرمەند شاهین نەجەمەدینەوە كراوە بۆكراوە".

لەسەر ناوەڕۆكی كتێبەكە، كامەران حاجی دەڵێت" سەرەتا پێم باش بوو، ئەم كتێبەو پێشكەش بە رۆحی هونەرمەندی گەورەی كۆچكردووی گەلەكەمان مامۆستا (زرار محەمەد مستەفا" بكەم، چونەكە هەردەم خۆم بەقەرزاری ئەو زاتە دەزانم، كتێبەكە چەندین بابەتی شانۆیی هەمەچەشنی وەرگێردراوە لە خۆدەگرێت، لە هەمان كاتدا بۆچوونی خۆم لەسەر ئەو شانۆگەرییانە نووسیوە كەنمایشەكانیان بینیون، وەكو شانۆكارێك نەوەكو ڕەخنەگری شانۆ ".

لەكۆتاییدا هونەرمەند و نووسەر كامەران حاجی ووتی" زۆر سوپاس بۆ بەرێزانەی هاوكاروپاڵپشتم بوون بۆ بەچاپ گەیاندنی ئەم كتێبە، بەتایبەتی مامۆستا هیوا سوعاد ، مامۆستا شاهین نەجمەدین، كاك فەیسەڵ شێخانی ،لەگەڵ هاوسەری ژیانم سەیران".

شایانی باس كتێبەكە بە تیراژی (500) دانە لە بەرێوەبەرایەتی گشتی كتێبخانە گشتییەكان ژمارەی سپاردنی (1065) ساڵی 2022 پێدراوە، لە هەولێر لە چاپخانەی رۆژهەڵات چاپكراوە.

هونەرمەند و نووسەر كامەران حاجی ئەلیاس ،لەساڵی 1965 لە شاری رواندز لە دایك بووە،لە ساڵی 1993 پەیمانگەی هونەرەجوناكانی بەغدای بەشی شانۆی تەوا كردووە لە ساڵی 2007 كۆلیژی هونەری لە موسڵ تەواو كردوە.

چوار كتابی بەناوەكانی ( تەختەی شانۆ، شانۆی قوتابخانەیی، لەگەڵ شانۆدا، قیرانی شانۆ لە نێوان وەرزارەتی رۆشنبیری و شانۆكاران) چاپكردووە لە ئێستادا،دوو كتێبی تریشی ئامادەییە بۆ چاپكردن بەبەردەوامی لەبواری شانۆ و دراما لە گۆڤارەكان و رۆژنامەكان دەنوسێت.

No description available.