ئەم هەواڵە بڵاوبكەوە
FaceBook  Twitter  

چوار شیعری گارسیا مۆنتییرۆ

دەرگەوانێك

هێندە گرنگ نییە

زۆر بخەوم یان كەم

ئاوێنەكانی خانوو بێ‌ بەزەیین

لەگیندارە ئاوییەكان دەچن

بۆم قایل ناكرێن

پێم ئاشنا نابن

بەڵام رۆشنایی ئاوێنەی خێزانەكەم

جار ناجارێ‌

میهرەبانی‌و خۆشەویستم

بێ‌ دەبەخشن!!

برۆ ئەی ژیان

ئەمن لەسەر ناوی خۆم

راهاتووم

ئەو شارەی كە دروستی

كردووم

وا هێدی هێدی

لەناو دەچێ‌

جادە نوێیەكان

شایستەی ناو لێنان نین

هیچ شتێك لەنیگاكانی

تۆ جوانتر نییە

كاتی مردن

بەڵام ئەو گالیسكەیەی وا دەیئاژۆرم

بەرەو كوێ‌ دەروا

بەرەو چ ئاراستەیەكم دەبا؟

لەنێو ئەو باخچە بەرفراوانەدا

چاوەكانیش بەرامبەری

چاونێكی دیكە لەنگەر

دەكرێ‌

رۆیشتن

ئەمرۆش دەرۆم

دەرۆم چونكە چاوەكانم بۆ هەڵنایەن

ئەوەی هەردەم‌و

ئێستاش كە پێیدەگەم ئاسمانە

دەرۆم بە ئاراستەی خۆم دەرۆم

تەنیا منم

نم نم دەرۆم‌و دەۆ‌وم‌و...

وەرگێرانی لەفارسیەوە: كاروان حامید