ئەم هەواڵە بڵاوبكەوە
FaceBook  Twitter  

❶چـــــــــینی باڵا [ پیــــاو ماقوڵان ] :

ئەوانە كارمەندی باڵا و مووچەخۆری دەوڵەت بوون لە دەوڵەتی عوسمانی ، چینی باڵا هەمووكات خاوەن هێز و دەسەڵات بووە ،نزیك بوون لە حكومەتی ناوەندی ، بەردەوام لەهەوڵی خزمەت كردن و پاراستنی بەرژەوەندی تاكە كەسی خۆیان و بەرژەوەندی دەوڵەت بوون . 

❷پیـــــــاوانی ئایینی :

پیاوانی ئاینی ڕۆڵی بەرچاویان هەبوو لەكۆمەڵگادا لەهەموو كات و ساتێك جا چ لەكاتی ئاشتی بێت یاخود لەكاتی شەڕ دا ،هەندێ جار بوونەتە پردی پەیوەندی لەنێوان دەوڵەت و چینی چەوساوەكان ،وەهەندی جاریش بوونەتە شۆڕشگێڕ و ڕاپەڕینیان بەرپا كردووە دژی دەوڵەت ،حوجرەكانیان كردۆتە مەڵبەندی كوردایەتی و سیاسی ،دەستیان كردووە بەچەك هەڵگرتن دژی زوڵم وزۆرداری ،بۆنموونە وەكو شێخ عەبێدوڵای نەهری لەساڵی ( 1880 ) .

❸چـــــینی چەوساوەكان :

ئەوانە چینی زۆرینە بوون یاخود چینەكانی خوارەوە و هەژارەكانیشیان پێ دەگوترێت ،چونكە هەم لەڕووی دەرامەتی ئابووریەوە هەم لەلایەنی زانستی و ڕۆشنبیری هەژارو لەدواوە بوون ، وەلە ڕووی سیاسیشەوە بەردەوام زوڵمیان لێكراوە و باج و سەرانەیان بەزۆر بەسەردا سەپاندوون ،واتا ئەو بەشەی كەزۆرینەی كوردەكان پێك دەهێنن دەسەڵاتێكی سیاسی و یەكگرتوو بەهێزیان نەبووە .

بەتایبەتیش دوای ئەوەی كۆنگرەی ئەرزەڕۆمی 2 بەسترا لەساڵی ( 1847 ) بۆیە كەوتنە لەناوبردن وسەركووت كردنی میرنشینەكوردەكان،دوامیرنشین لەسنوری دەوڵەتی عوسمانی لەناوبرا میرنشینی بابان بوو ،وەلەسنوری دەوڵەتی ئیرانیش میرنشینی ئەردەڵان بوو لەناو برا، بەم جۆرە كوردەكان دەسەڵاتیان نەما ،هەرچەندە لەكۆتایی یەكانی سەدەی ( 19 )م شۆڕش و ڕاپەڕین كراوە بەڵام شۆڕشەكان ناوچەیی وهەڕەمەكی بوون گشتگیر نەبوون بۆیە هەر زوو لەناوچوون .

ئا:هێڤا

جوگرافیا ومێژوو