ئەم هەواڵە بڵاوبكەوە
FaceBook  Twitter  

"فیلمەكەی لەماوەی 4 مانگدا لەزیاتر لە 40 فێستیڤاڵی سینەمایی بەشداری كردووە" 

فیلمی ئەنیمەیشنی كوردی (بێدەنگی ئاسمان) لەدەرهێنانی جوبرائیل ئەبوبەكر لەفێستیڤاڵێكی سینەمایی نێودەوڵەتی وڵاتی عێراق بەشداری پێشبڕكێی سەرەكی دەكات‌و كێبڕكێی بردنەوەی خەڵات دەكات. 

دەرهێنەر جوبرائیل ئەبوبەكر لەبارەی بەشداری فیلمەكەی لەو فێستیڤاڵەدا رایگەیاند "فیلمەكە بەشداری لە پێنجەمین خولی فێستیڤاڵی سینەمایی نێودەوڵەتی سەماوە لەعێراق دەكات‌و كێبڕكێی بردنەوەی خەڵات دەكات".

وتیشی "فێستیڤاڵەكە لە 7 تا 9ی كانوونی یەكەمی2017 ئەنجامدرا‌و (بێدەنگی ئاسمان) لەبەشی پێشبڕكێی فیلمە ئەنیمەیشنەكاندا بەشداری كرد".

(بێدەنگی ئاسمان) نوێترین بەرهەمی سینەمایی دەرهێنەر جوبرائیل ئەبوبەكرە و بەسپۆنسەری عەباس فازڵ عەبدولرەحمان خاوەنی زانكۆی نۆلج بەرهەمهێنراوە و لەماوەی تەنها 4 مانگدا بەشداری لەزیاتر لە40 فێستیڤاڵی سینەمایی جیهانی، كردوە و چەند خەڵاتێكیشی پێبەخشراوە. 

سیناریۆی فیلمەكە پشتیوان عەبدوڵا نوسیویەتی‌و كاری گرافیك‌و دەنگ لەلایەن سەباح شەهدی و كاری موزیكی فیلمەكەش رامتین لهۆنی جێبەجێی كردوە، ماوەی فیلمەكە 100 چركەیە و بەرهەمی ساڵی 2017-یە.