ئەم هەواڵە بڵاوبكەوە
FaceBook  Twitter  

    

ئەگەرچی ئەمە سەلمێنراوە كە قاوە رۆڵی هەیە بۆ خۆپاراستن لە نەخۆشیی شەكرە و نەخۆشییەكانی كۆئەندامی دڵ و سووڕان، بەڵام لە نوێترین لێكۆڵینەوەدا هاتووە كەپرۆتینێك بەناوی P27 كە لە پێكهاتەكانی قاوەدایە رۆڵی هەیە لە پاراستنی ماسوڵكەی دڵدا. پرۆتینی P27 هانی فرمان و چاڵاكیی مایتۆكۆندریای ناو خانە دەدات بۆ پاراستنی خانەكانی ماسوڵكەی دڵ و بۆڕییەكانی خوێن لە هەر كاریگەرییەكی نێگەتیڤ. هەروەها ئاماژە بەوە كراوە كە ئەم پرۆتینە رێگا لە مردنی خانەكانی ماسوڵكەی دەگرێت و هانی پێگەیشتنی خانە بنچینەییە فایبرۆبلاستەكان Fibroblasts دەدات كە ببنە خانەی ماسوڵكەیی پێگەیشتوو بە تەواوی فرمانەكانی گرژ و خاوبوونەوە، ئەمەش گرنگی زۆری هەیە بۆ چاكبوونەوەی ماسوڵكەخانەكان پاش نۆرەی دڵ Heart attack كە هۆكارە بۆ مردنی بەشێك لە خانەكانی ماسوڵكەی دڵ لەبەر گیرانی تەواوی خوێنبەر لەم بەشەی ماسوڵكەی دڵدا. ئەمەش روونكراوەتەوە كە قاوە فرمانی خانەكانی ناوپۆشی كۆئەندامی دڵ و سووڕان باشتر دەكات. لە لایەكی ترەوە، كافائین كە پێكهاتەی سەرەكی قاوەیە، هانی چوونەژوورەوەی پرۆتینی P27 دەدات بۆ ناو مایتۆكۆندریا بۆ ئەنجامدانی فرمانی پاراستنی ماسوڵكەخانەكانی دڵ.