ئەمە بڵاوبكەوە
FaceBook  Twitter  

چەورییەكان Fats گرنگن بۆ لەش و مێشك، بۆیە پێویستە كە لە خۆراكی رۆژانەدا هەبن، بەڵام بە بڕی دیاریكراو و جۆری تایبەت، كەم و زیادكردنی بڕ و جۆری چەوری رۆژانە زیان بە تەندروستی دەگەیەنێت. بەساڵاچووان كە چالاكی فیزیكییان كەمە رۆژانە پێویستییان تەنیا بە 1600 كالۆری وزە هەیە واتە تەنیا 44- 62 گرام چەوری لە خۆراكی رۆژانەدا. ئافرەتی ئاكتیڤ، كچی هەرزەكار و زۆربەی منداڵان رۆژانە پێویستییان بە 2200 كالۆری وزە هەیە واتە 61- 86 گرام چەوری لە خۆراكی رۆژانەدا. كوڕی هەرزەكار، ئافرەتی وەرزشوان، پیاوی ئاكتیڤ كە چاڵاكی فیزیكی زۆر ئەنجام دەدەن، رۆژانە پێویستییان بە 2800 كالۆری وزە هەیە واتە 78- 109 گرام چەوری لە خۆراكی رۆژانەدا. پاش زانینی بڕی پێویستی رۆژانە لە وزە و چەوری، واباشە كە جۆری چەوری باش هەڵبژێریت، با لە كۆی 67 گرام تەنیا 12 گرام لە چەورییە تێرەكان (چەورییە خراپەكان Bad fats) بێت، ئەو تری لە چەورییە ناتێرەكان(چەورییە باشەكان Good fats) بێت. پێویستە كە بڕی رۆژانەی چەوری بە رێنمایی دكتۆر كەمبكرێتەوە بۆ تووشبووان بە نەخۆشی دڵ، نەخۆشی شەكرە، كەسانی قەڵەو و بەساڵاچووان، لەگەڵ هەڵبژاردنی جۆرەكانی چەوری. پسپیۆان رێنمایی دەكەن كە بڕی چەوری رۆژانە بۆ كەسانی پێگەیشتوولە نێوان 44 – 77 گرام دابێت كە دەكاتە 400-700 كالۆری یان 20-35%ی وزەی گشتی رۆژانەی وەریگراو لە خۆراك كە بە تێكڕایی بریتییە لە 2000 كالۆری، جەختیش لە وەرگرتنی چەورییە باشەكان دەكەنەوە.