ئەمە بڵاوبكەوە
FaceBook  Twitter  

پسپۆران پێیان باشە كە بەبێ بەكارهێنانی ئاوێتەی كیمیایی خۆمان لە كاریگەرییەكانی تیشكی سەرووی وەنەوشەییی هەتاو بپارێزین بەتایبەتی لەوكاتەی كە لێكۆڵینەوەكان روونیان كردۆتەوە كە ئاوێتەكانی دژەهەتاو Sunscreen لەوانەیە ماددی زیانبەخش لەخۆبگرن كە كاریگەریی نێگەتیڤ دەكەنە سەر هاوسەنگیی هۆرمۆنی و لەوانەشە كە ببنە ئەگەری هەستەوەری و گرفتی تەندروستی تر. باشترین و سەلامەتترین و كاریگەرترین رێگا بۆ خۆپاراستن لە كاریگەرییە خراپەكانی تیشكی خۆر بۆ پێست بریتییە لە خۆپۆشین Covering up لەكاتی بەركەوتن بە تیشكی خۆری بەهێز بە پۆشینی هەموو بەشەكانی لەش بە جلی رەنگ كاڵ و سووك و فراوان لەگەڵ دانانی كاسكێتی سپی یان رەنگی زۆر كاڵ كە زۆربەی رووبەری دەموچاو داپۆشێت هاوكات لەگەڵ بەكارهێنانی چاویلكەی دژەهەتاو، هەروەها بەكارهێنانی چەتر و هەڵبژاردنی شوێنی سێبەر. هەنگاوێكی تر لەجیاتی بەكارهێنانی ماددەی كیمیایی دژەهەتاو بریتییە لە خۆپاراستن یان پاراستنی پێست لە كاریگەرییەكانی هەتاو لە ناوەوەی لەشدا، بۆنموونە هەڵبژاردنی خۆراكی هاوسەنگ و تەندروست كە ئەم ماددە گرنگانە لەخۆبگرێت وەكو: ڤیتامین D3، ڤیتامین C، زەیتی گوێزی هیندی. هەروەها دووركەوتنەوە لە زەیتی رووەكی پرۆسێسكراو یان چەورییە نێوەندەكان Trans fats و بڕی زیادی شەكر.