ئەمە بڵاوبكەوە
FaceBook  Twitter  

سوپه‌ركۆمپیوته‌ری ژاپۆنی "Fugaku" له‌ لیستی TOP500دا، به‌ خێرایی ٤١٥ پێتافلۆ‌پ، به‌ خێراترین كۆمپیوته‌ری جیهان هه‌ڵبژێردرا.

لیستی TOP500 كه‌ ساڵانه‌ دووجار نوێده‌كرێته‌وه‌، سوپه‌ركۆمپیوته‌ری ژاپۆنی "Fugaku"ی وه‌ك خێراترین كۆمپیوته‌ر له‌سه‌ر ئاستی جیهان له‌ مانگی حوزه‌یران به‌دواوه‌ بۆ ئه‌مساڵ، هه‌ڵبژارد.

له‌و لیسته‌دا كه خێراییه‌كان‌ له‌سه‌ر بنه‌مای نیشانده‌ری خێرایی (LinPack-(HPL، دانراون، "Fugaku" ٢،٨ جار خێراتر بووه‌ له‌ سوپه‌ركۆمپیوته‌ری ئه‌مریكی "Summit" كه‌ له‌ پله‌ی دووه‌مدا دێت.

"Fugaku" كه‌ چیپێكی ٤٨ كۆری Fujitsu A64FX SoCی له‌سه‌ره‌ له‌ تاقیكردنه‌وه‌كانی HPLدا بۆ خێرایی، به‌ خێرایی ٤١٥،٥ پێتافلۆ‌پ له‌ چركه‌یه‌كدا بووه‌ته‌ یه‌كه‌می لیستی TOP500.

له‌ ریزبه‌ندی دووه‌مدا له‌ڕووی خێراییه‌وه‌، سوپه‌ركۆمپیوته‌ری ئه‌مریكی "Summit" دێت كه‌ خێراییه‌كه‌ی ١٤٨،٨ پێتافلۆ‌پ بووه‌، هه‌روه‌ها له‌ ریزبه‌ندی سێیه‌مدا دیسان هه‌ر سوپه‌كۆمپیوته‌ری ئه‌مریكی، "Sierra" دێت به‌ خێرایی ٩٤،٦ پێتافلۆ‌پ.