ئەمە بڵاوبكەوە
FaceBook  Twitter  

 شارپۆڤای تەمەن 35 ساڵ، كە لە مانگی دووی 2020 وازهێنانی لە یارییكردن رایگەیاندووە، لە رۆژی لەدایكبوونیدا، لە رێگەی تۆڕە كۆمەڵایەتییەكانەوە ئاشكرایكرد كە دووگیانە.

 خانمە تێنسزانە رووسییەكە، لە كۆتایی 2020ـدا رایگەیانە كە ژیانی هاوژینی لەگەڵ ئەلیكساندەر فیلیكس پێكهێناوە، كە بزنسمانێكی بەریتانییە و هاوڕێیەكی نزیكی شازادەكانی بەریتانیا، ویلیام و هارییە.

 ماریا شاراپۆڤا یەكێكە لە بەنێوبانگرتین خانمە تێنسزانانی مێژووی ئەو یارییە، كە خاوەنی چەندین نازناوی جیهانییە، زێدەباری ئەوەی كە لەبەر جوانییەكەی سەرنجی هەموو جیهانی راكێشاوە.

 پێشتر ماریا شاراپۆڤا بەهۆی بەكارهێنانی ماددەی میلیدینیۆمی وزەبەخش بۆ 15 مانگ لە هەموو چالاكییەك سڕكراوە و دواتر گەڕاوەتەوە نێو یاریگەكانی تێنس و چەندین نازناوی بردووەتەوە، بەرلەوەی بە یەكجاری واز لە یاریكردن بێنێت.