ئەم هەواڵە بڵاوبكەوە
FaceBook  Twitter  

ڕێناس گەرمیانی

ئێوارەی ڕۆژی چوار شەممە 2018/10/10 بۆمبێك بە ئۆتۆمبیلێكی بۆمبرێژكراو لە ناوەندی شاری تكریت ،ناوەندی پارێزگای سەڵاحەدین تەقییەوەو بەو هۆیەشەوە ژمارەیەك پۆلیس برینداربوون.

محەمەد فایەق بەرپرسی پێشووی ڕاگەیاندنی قایمقامیەتی خورماتوو هەواڵەكەی پشت راستكردەوەوبە (ڕێگای كوردستان)ی ڕاگەیاند: بە هۆی تەقینەوەی بۆمبێك وئۆتۆمبیلێكی بۆمبرێژكراو لە شەقامی بزیشكانی شاری تكریت ژمارەیەك ئەفسەروپۆلیس بەسەختی برینداربوون كە یەكێك لە بریندارەكان ئەفسەرێكی پلەدارەو فەرماندەی گشتی فەوجەكانی پارێزگای سەڵاحەدینە.

گوتیشی:- دوای ئەو ڕووداوەش هێزە تەناهییەكانی پارێزگای سەڵاحەدین گەیشتنە شوێنی ڕووداوەكە وبریندارەكانیان بۆ نەخۆشخانە گواستەوە بەمەبەستی چارەسەركردن ودەستییانیش بە لێكۆڵینەوە لەو بارەیەوە كردووە بەمەبەستی ئاشكراكردنی ئەو لایەنەی كە دەستی لەو كردەوە تیرۆرستییەدا هەبووە.