ئەمە بڵاوبكەوە
FaceBook  Twitter  

 

لە سەعاتەكانی یەكەمی ئەمڕۆ دووشەم هەفتەیەكی نوێ لە بازاڕی بۆرسە دەستی پێ كرد و  نرخی نەوت رووی لە هەڵكشان كرد.

 هەر لە سەرەتای ساڵی نوێوە نرخی نەوت رووی لە بەرزبوونەوە كردووە و لە هەفتەی یەكەمی بازاڕەكەش هەموو رۆژێك نرخی نەوت لە هەڵكشاندایە.

ئەم هەڵكشانە لە كاتێكدایە كە سەرووی دوو مانگ بوو نرخی نەوت رووی لە دابەزین كردبوو و بە رێژەیەكی بەرچاو لە نرخەكەی دابەزیبوو.

لە ماوەی چوار رۆژی یەكەمی ساڵی نوێ نرخی نەوت لە نزیكەی 53 دۆلارەوە بۆ 57 دۆلار و 45 سەنت هەڵكشا و بەرزترین نرخی لە نزیكەی 20 رۆژی رابردوو تۆمار كرد. ئەمڕۆ دووشەمیش لە سەعاتەكانی یەكەمی بازاڕەكە سەرووی 40 سەنت لە نرخەكەی هەڵكشاوە و بە 47 دۆلار و 92 سەنت دەفرۆشرێت.

 پێویستە بگوترێ بەگوێرەی رێككەوتنی ئۆپێك دەبێت ملیۆنێك و 200 هەزار دینار لە بەرهەمهێنانی نەوت كەم بكرێتەوە و ئەم رێككەوتنەش پێ دەچێت دەست بە جێبەجێكردنی كرابێت، چونكە لە كاتی واژووكردنی رێككەوتنەكە باس لەوە كرا لە سەرەتای ساڵی 2019ەوە دەست بە جێبەجێكردنی دەكرێت.