ئەمە بڵاوبكەوە
FaceBook  Twitter  

 

ئێران لەسەر گرژییەكانی ئەم دواییەی لەگەڵ ئەمریكا، داوا لە سكرتێری گشتی نەتەوە یەكگرتووەكان، ئەنتۆنیۆ گوتیرێس دەكات بۆ كەمكردنەوەی گرژییەكانی "زەنگ پێدەر" لە كەنداو، دیالۆگی دیپلۆماتی ناوچەیی دەست پێ بكات.

نوێنەرایەتی هەمیشەیی ئێران لە نەتەوە یەكگرتووەكان نامەیەكی ئاراستەی سكرتێری گشتی نەتەوە یەكگرتووەكان، ئەنتۆنیۆ گوتیرێس و ئەنجوومەنی ئاسایشی نەتەوە یەكگرتووەكان كردووە تیایدا داوایەكی ئیدارەی تارانی گەیاندووەتە نەتەوە یەكگرتووەكان كە بەرامبەر پێشهاتەكانی ناوچەكە بێدەنگ نەبێت.

نوێنەری هەمیشەیی ئێران لە نەتەوە یەكگرتووەكان، تەخت رەوانچی دەڵێت "هەندێك لایەنی دەرەوەی ناوچەكە" بەهەوڵە گێرەشێوێنەكانیان رۆژهەڵاتی ناوەڕاست ناسەقامگیر دەكەن، ئێران هیچ كاتێك جەنگ هەڵنابژێرێت، بەڵام ئەگەر زۆری لێبكرێت بۆ جەنگ تا دوا سات خۆی دەپارێزێت".

تەخت رەوانچی هۆشداریداوە لەبارەی ئەگەری دروستبوونی قەیرانێكی لەو چەشنە و ئاماژەی بەوەداوە كە كێشەكە دەچێتە ئەوپەڕی ناوچەكە و ئاسایش و ئاشتی رۆژهەڵاتی ناوەڕاست دەخاتە مەترسییەوە و بۆ ئەو مەبەستەش داوای لە ئەنتۆنیۆ گوتیرێس كرد كە هەوڵی دیپلۆماتی خۆی بخاتە گەڕ بۆ دیالۆگی ناوچەكە لە پێناو كەمكردنەوەی گرژییە مەترسیدارەكەی كەنداو.