ئەمە بڵاوبكەوە
FaceBook  Twitter  

وەزیری پەیوەندیەكان و تەكنەلۆژیای زانیاری ئێران رایگەیاند، ئەو هێرشە ئەلیكترۆنیەی ویلایەتە یەكگرتوەكانی ئەمریکا كە ئێران-ی بەئامانج گرت "سەركەوتوو نەبوو و شكستی هێنا".

محەمەد جەواد ئازەری، وەزیری پەیوەندیەكان و تەكنەلۆژیای زانیاری ئێران لە هەژماری تایبەتی خۆی لە تۆڕی كۆمەڵایەتی تویتەر سەبارەت بە هێرشە ئەلیكترۆنیەكەی ویلایەتە یەكگرتوەكانی ئەمریکا بۆ سەر وڵاتەكەی رایگەیاند، "ئەمریكیەكان زۆر هەوڵدەدەن، بەڵام تا ئێستا هیچ هێرشێكیان سەركەوتوو نەبووە".

وتیشی، "راگەیاندنەكان دەپرسن ئایا هێرشە ئەلیكترۆنیەكان دژ بە ئێران دروستە یاخود نا، ماوەیەكی زۆرە روبەڕوی تێرۆری ئەلیكترۆنی دەبینەوە، ساڵی رابردو 33 ملیۆن هێرشمان راگرتوە".