ئەمە بڵاوبكەوە
FaceBook  Twitter  

ئێوارەی دوێنێ‌، لە چیای هەڵگورد و ناوچەی برادۆست فڕۆکە جەنگیەکانی تورکیا بۆردومانی چەند ناوچەیەکی گەشتیاریی و کۆچەریی ئەو سنورەیان کرد.

بۆردومانی فڕۆکەکانی تورکیا بۆسەر ناوچە سنورییەکانی هەرێمی کوردستان بە بیانوی بونی چەکدارانی پەکەکە بەردەوامە، ئێوارەی ئەمڕۆش جارێکی دیکە هێرشە ئاسمانیەکان دەستیان پێکردەوە و بەو هۆیەشەوە دو هاوڵاتی ناوچەکە بونە قوربانیی.

هێرشەکە لەناوچەی گۆشینە ڕویداوە و ئوتومبێلی هاوڵاتیەکی کردوەتە ئامانج، بەو هۆیەشەوە کەسێک گیانی لەدەستدا و کەسێکی دیکەش بریندار بوە کە هەردوکیان برا بون. 

ئەو هاوڵاتیەی گیانی لەدەستداوە ناوی مەنسورنافعە و تەمەنی 25 ساڵە، و بریندارەكەش ناوی پەشێو نافعە و 20ساڵە و دانیشتوی ناوچەی باڵەكایەتین، بەمەبەستی گەشت و سەیران ڕویان لەشاخی هەڵگورد كردبو، بەڵام کەوتنە بەر هێرشی فڕۆکەکانی تورکیا.