ئەمە بڵاوبكەوە
FaceBook  Twitter  

 

رەجەب تەیب ئەردۆغان سەركۆماری توركیا بەرلە بەڕێكەوتنی كۆنگرەیەكی رۆژنامەوانی رێكخست و زانیاری خستەڕوو دەربارەی ئامانجی سەردانەكەی كە بریتییە لە بەشداریكردن لە كۆبوونەوەكانی لووتكەی پرۆسەی هاریكاری باشووری رۆژهەڵاتی ئەورووپا كە بۆسنیا و ھەرزەگۆڤینا خانەخوێیی دەكات.

سەركۆماری توركیا، رەجەب تەیب ئەردۆغان راشیگەیاند "(رۆژهەڵاتی دەریای ناوەڕاست) لەئێستادا كەشتییەكانی بیرهەڵكەندن بەردەوامن لە پرۆسەكە لەسەر نەخشەڕێگەی خۆیان بە هەماهەنگی. لەمبارەیەوە دەشێت دەنگی ناڕازی لەئەملاو ئەولا دروست بێت، بەڵام هیچ كام لەمانە ناتوانێت ئێمە پاشگەزبكاتەوە پێشتریش ئەمەمان گووتووە. ئەمڕۆش لەهەمان خاڵداین، هەمان شت دەڵێمەوە".

رەجەب تەیب ئەردۆغان لەبارەی كڕینی سیستەمی مووشەكی S-400ەوە رایگەیاند، ''مووشەكەكانی S-400 بە فڕۆكە دەهێنرێن. خێردار‌بێت بۆ وڵات، ناوچە و بەتایبەتی جیهانەكەمان".

سەركۆماری توركیا، رەجەب تەیب ئەردۆغان گوتیشی: ''كارەكانی ئامادەكاری بۆ بەڕێكردن و باركردنی (S-400) درێژەی ھەیە. وەزارەتی بەرگریی و سەرۆكایەتی ئەركان پلان دادەنێن لە كوێ جێگیر بكرێت''.