ئەمە بڵاوبكەوە
FaceBook  Twitter  
  

پەرلەمانتارێكی هاوپەیمانی سائیرون دەڵێت، هاوپەیمانییەكەی گڵۆپی سەوزی بۆ عادل عەبدولمەهدی سەرۆك وەزیران هەڵكردووە سەبارەت بە دانانی پلە تایبەتەكان، داواش لە عەبدولمەهدی دەكات، ناوی ئەو فراكسیۆنانە ئاشكرا بكات كە لەو بارەیەوە گوشاری دەخەنەسەر.

عەباس علیوی پەرلەمانتاری هاوپەیمانی سائیرون لە لێدوانێكی ڕۆژنامەوانیدا ڕایگەیاندووە”هاوپەیمانی سائیرون سازشی لەسەر هەموو پلە تایبەتەكانی خۆی كردووە و گڵۆپی سەوزی بۆ عادل عەبدولمەهدی سەرۆك وەزیران هەڵكردووە، تا كەسانی گونجاو كاندید بكات”.

بە وتەی علێوی”پێویستە عەبدولمەهدی ناوی ئەو فراكسیۆنانە ئاشكرا بكات كە گوشاری لێدەكەن سەبارەت بە پلە تایبەتەكان و هەوڵدەدەن بە ناوی چاكسازییەوە دەست بەسەر ئەو پۆستانەدا بگرن”.

پەرلەمانتارەی سائیرون دەڵێت”سەرۆك وەزیران ئازادە و پابەندكراوە بە تەواوكردنی دۆسێكە لەماوەی سێ‌ مانگی داهاتوو، بەو پێیەی مۆڵەتێكی یاساییە و ناكرێت پێشێل بكرێت، پەرلەمانیش ئامادەیی تەواوی هەیە بۆ پشتیوانی لە هەنگاوەكانی چاكسازی و دەنگدان لەسەر كاندیدەكان”.