ئەمە بڵاوبكەوە
FaceBook  Twitter  

ناوەندنی راگەیاندنی هێزەکانی سوریای دیموکرات (هەسەدە) رایگەیاند، لە ئۆپەراسیۆنێکی شەڕڤاناندا لە گوندی ئەبو حەمام لە دێرەزور 20 چەکداری داعش دەستگیرکراون.

ناوەندنی راگەیاندنی هێزەکانی سوریای دیموکرات (هەسەدە) لە راگەیەندراوێکدا بڵاویکردەوە، لە گوندی ئەبو حەمام لە دێرەزور لە دژی شانە نوستوەکانی داعش ئۆپەراسیۆنیان ئەنجامداوە و تیایدا 20 چەکداری داعش دەستگیرکراون و چەکدارێکیش کوژراوە.

ئاماژە بەوەشکراوە، شەڕڤانان دەستیان بەسەر هەشت موشەکی ئاڕ پی جی و حەوت هەزار و 500 فیشەکی کڵاشینکۆف و بۆمبی دەستی و تەلەفون و بێتەل-ی ئەو چەتانەدا گرتوە.

هەسەدە دەشڵێت، چەکدارانی داعش لە ئۆپەراسیۆنەکەدا هێرشیان کردوەتە سەر شەڕڤانان و لە ئەنجامی روبەڕبونەوەدا چەکدارێکی داعش کوژراوە و چەکدارەکانی دیکەش دەستگیرکراون.

رونیشیکردوەتەوە، ئەو چەکدارانەی داعش ئەنجامدەری هێرشێک بون بۆ سەر بازاڕی ئەو گوندە کە لە حەوتی ئەم مانگەدا ئەنجامدرا و تیایدا حەوت منداڵ بونە قوربانی.