وەزیری دەرەوەی حكومەتی عێراق دژایەتی وڵاتەكەی نیشاندا بۆ بەشداریكردنی ئیسرائیل لەهەر هاوپەیمانێتییەكی سەربازی بۆ گرەنتیكردنی ئازادی هاتوچۆی كەشتییەكان لە كەنداو و گەروی هورمز.
محەمەد عەلی حەكیم وەزیری دەرەوەی حكومەتی عێراق لە تویتێكدا رایگەیاند، وڵاتانی كەنداو توانای ئەوەیان هەیە هاتوچۆی كەشتییەكان لە كەنداو بپارێزن.
ناوبراو جەختیشیكردووەتەوە، عێراق هەوڵدەدات بۆ كەمكردنەوەی گرژییەكان لە ناوچەكە لەرێگەی دانوستانەوە و بوونی هێزی بیانی لەناوچەكە گرژییەكان زیاد دەكات.