ئەمە بڵاوبكەوە
FaceBook  Twitter  

بۆ رێگەگرتن لە خۆپیشاندانەكان لە بەغداو شارەكانی باشوری عێراق، وەزارەتی ناوخۆی عێراق لەرۆژی پێنج شەممەوە دەكەوێتە ئینزاری پلە باڵاوە كە ناسراوە بە پلە " ج"ەو، هیچ وادەیەكیش بۆ تەواوبوونی دانەنراوە.

وەزارەتی ناوخۆی عێراق خۆی بۆ رۆژی هەینی ٢٥ ی تشرینی یەكەم ئامادە دەكات كە ئەگەری دروستبوونی خۆپیشاندانی گەورە لە بەغداو شارە گەورەكانی عێراق دەكرێت.

هەروەها لەو هەنگاوانەی حكومەت گرتوویتە بەر، هەر ئەمرۆ میدیاكانی عێراق كە لە زاری وەزیری پەیوەندییەكانی عیراقەوە بڵاویانكردەوە كە بە فەرمانێك كە ئاراستە كۆمپانیاكانی دابینكەری هێڵەكانی ئینتەرنێت كردوە تێیدا داوایان لێ دەكات كە لە كاتژمێر 6:00ی بەرەبەیانی رۆژی هەینی 25ی تشرینی یەكەمی 2019 تاوەكو كاتژمێر 11:00ی شەوی 26ی تشرینی یەكەمی 2019 هێڵەكانی ئینتەرنێت رابگرن.