ئەمە بڵاوبكەوە
FaceBook  Twitter  

ئێوارەی دوێنێ‌ لە رووداوێکی هاتووچۆدا لە رێگەی نێوان میسان و بەسرە، 17 کەس گیانیان لەدەستدا و برینداربوون.

میدیا عێراقیەكان و بڵاویانكردۆتەوە ئێوارەی هەینی25ی تشرینی دووەمی2022، لە ئەنجامی پێكدادانی ئۆتۆمبێلێكی جۆری هۆندای لەگەڵ ئۆتۆمبێلێکی بارهەڵگر9 کەس گیانیان لەدەستداوە و 8ی دیکە برینداربوون.

بەڕێوەبەری راگەیاندنی پۆلیسی هاتووچۆی میسان ئاماژەی بەوەداوەكە، رووداوەکە لە رێگەی نێوان میسان و بەسرە لە نزیک قەزای قەلعە ساڵح روویداوە لەو كاتەی كە ئۆتۆمبیلی جۆری هۆنداكە لە رێڕەوی خۆی لایداوە و بەهۆی ئەوەی شوفێرەکەی کۆنترۆڵی لەدەستداوە چووەتە ئەوبەری شەقامەکە و خۆی کێشاوە بە ئۆتۆمبێلێکی بارهەڵگردا.

رۆژی 7-9-2022، دەزگای ئاماری سەر بە وەزارەتی پلاندانانی عێراق ئاماری رووداوەکانی هاتووچۆی ساڵی 2021ی بڵاوکردەوە ،بە پێی ئامارەكە ساڵی رابردوو، بەهۆی رووداوەکانی هاتووچۆوە 2 هەزار و 828 کەس گیانیان لە دەستداوە، 11 هەزار و 230 هاوڵاتیش برینداربوونە.