ئەمە بڵاوبكەوە
FaceBook  Twitter  

بڕیار محەمەد-كەلار

ئەمڕۆ سێ شەمە 2 تشرینی یەكەمی 2018 هاوشێوەی ناوچەكانی تری كوردستان، زەنگی ساڵی نوێی خوێندن لە قوتابخانەی ئاڵای بنەڕەتی لە شارۆچكەی كەلاری ناوەندی ئیدارەی گەرمیان لێدرا.

سەرەتای مەرلسیمی لێدوانی زەنگی ساڵی نوێی خوێندن لە شارۆچكەی كەلار بە سرودی ئەی رەقیب و بەرز كردنەوەی ئاڵای پیرۆزی كوردستان دەستی پێكرد.

پاشتر دارا محەمەد ، بەرێوەبەری گشتی پەروەردەی گەرمیان، بەتایبەت بە (رێگای كوردستان) ی راگەیاند" لە سنوری بەرێوەبەرایەتی پەروەردەی گەرمیان 85 هەزار قوتابی لە باخچەی ساوایانەوە تاوەكوو ئامادەیەكان روویان كردە ناوەندەكانی خوێندن.

گووتیشی،" ئەم 85 هەزار قوتابیە دابەش بوونە بەسەر 400 قوتابخانەو باخچەی ساوایان ،هاوكات 10 هەزار مامۆستاش لەگەرمیان پەیوەندیان كرد بەناوەندەكانی خوێندنەوە.

بەرێوەبەری گشتی پەروەردەی گەرمیان، باسی لەوەكرد " ژمارەیەكی زۆری قوتابخانەكانی سنوری پەروەردەی گەرمیان نۆژەنكراوەتەوە،هەروەها 7 باڵەخانەشمان كەبەهۆی قەیرانی دارایەوە 4 باڵەخانەیان كار كردن تێیانداتەواوو بووە بۆپێشوازی لە قوتابیان