ئەمە بڵاوبكەوە
FaceBook  Twitter  

رێگای كوردستان

بەڕێوەبەرایەتی گشتی پەروەردەی سلێمانی سەبارەت بەیەكپۆشی خوێندكاران و قوتابیان، بەڕێوەبەری قوتابخانەو خوێندنگاكان ئاگادار دەكاتەوە.

لە راگەیەنراوێكی بەڕێوەبەرایەتی گشتی پەروەردەی سلێمانی كە وێنەیەكی دەست ماڵپەری رێگای كوردستان كەووتوە و تیایدا هاتووە: بەڕێوەبەرەكان تەنها دەتوانن رەنگی جلەكان دیاری بكەن و بەهیچ شێوەیەك رێگەیان پێنادرێت كەسوكاری خوێندكاران و قوتابیان ناچار بكەن لە كۆمپانیایەك یاخود ماركێتێكی دیاریكراو جلەكان بكڕن.

بەڕێوەبەرایەتی گشتی پەروەردەی سلێمانی جەختیش دەكاتەوە، كەسوكاری هەر قوتابی و خوێندكارێك، سكاڵا لە هەر بەڕێوەبەرێك بكات لەسەر ناچاركردنی بۆ كڕینی جلوبەرگی منداڵەكانی لە شوێنێكی دیاریكراو لێپێچینەوەی یاسایی توندی لەگەڵ دەكرێت.

راشیدەگەیەنێت، كەسوكاری قوتابیان و خوێندكاران سەرپشكن لەوەی لەكوێ‌ جلوبەرگی خوێندن دەكڕن بەمەرجێك ئەو رەنگە بێت كە خوێندنگاكەی دیاریكردوە.