ئەمە بڵاوبكەوە
FaceBook  Twitter  

 

رێگای كوردستان

سەرۆكی فراكسیۆنی ھاوپەیمانی نیشتیمانی لە ئەنجومەنی پارێزگای سلێمانی، لەسەر فرۆشتنی زەویە روكنەكانی پارێزگای سلێمانی هۆشداری دەداتە سەرۆكی حكومەت و جێگرەكەی.

 

بۆبەڕێز/سەرۆكی حكومەتی ھەرێمی كوردستان

بۆبەرێز/جێگری سەرۆکی حکومەتی ھەرێمی کوردستان 

بابەت/داواكاری 

لەڕوانگەی ھەست كردنمان بەبەرپرسیارێتی میژووی بەرامبەر بەدەنگدەرەكانمان وھاووڵاتیانی سنوری پارێزگای سلیمانی بەھەردوو ئیدارەكەیەوە. داواكارین لەبەڕێزتان لەپێناو وەستاندن و رێگری کردن لەفرۆشتنی زەویە ڕووكنەكان لەلایەن شارەوانیەكانی سنووری پارێزگای سلێمانی بەھەردوو ئیدارەکەیەوە، کارێکی نا نیشتیمانی دەبێت، چونکە زیانێکی زۆردەگەیەنیت بەسەروەتی نیشتیمانی گەلەکەمان. وئەومنداڵانەی کە لەئایندە چاوهەڵدێنن، زەرمەندی یەکەم دەبن ئەم شیوازە ھەراج کردن وفرۆشتنی زەویە ڕووكنەكان بەنرخیكی كەم بەبازرگانەكانی زەوی ھیچ پیناسەیەك ھەلناگرێت. جگەلەزیان گەیاندن لەبەرژەوەندی گشتی دەوڵەمەندبوونی كەمینەبازرگانێكی دەست ڕۆیشتوو، ھیچی ترناگەیەنیت. ئیمەلە فراكسیۆنی ھاوپەیمانی نیشتیمانی لەئەنجومەنی پارێزگای سلێمانی، ھەرلەسەرەتاوە پێمان وابوو بەھیچ شێوازیك ناكرێت زەوی نەوەكانی ئایندە ھەڕاج فرۆش بكرێن، مافی ئەومنداڵانە بخورێت كەلەدایك نەبوونە، دەکرێت حکومەتی ھەریمی کوردستان لەجیاتی ئەوبریارە بۆپیداکردنی داھات بۆناوچەکان، بیری لەشێوازێکی تربکردبایەوە بۆپێداکردنی داھات. بۆیە داواكارین لەپیناو ڕێگری كردن لەھەڕاج فرۆش كردنی زەویەڕووكنەکان، داوای ڕاگرتنی ئەو بڕیارە بکرێت كە تائیستا بەسەدان پارچەزەوی پێ فرۆشراوە، كاری حكومەتە سەرچاوە وسیکتەری تربدۆزیتەوە بۆپیداكردنی داھات بۆدابین كردنی حزمەت گوزاری بۆھاوڵاتیان، نەك بێت لەکاتێکی ئاوهادا کە نرخی زەوی لەئاستێکی زۆرنزم دایە، بێت زەوییەکانی ھەرزان فرۆش بكات بەردەوام بوونی فرۆشتنی زەویەکان بەكارەسات دەبینین.

بۆیەداوای ھەرچی زووەڕاگرتنی دەكەین پیمان وایە زیانی زۆرترە لەقازانج بۆگەلەکەمان .

لەگەڵ ڕیزدا

كاسترۆمعروف احمد

سەرۆكی فراكسیۆنی ھاوپەیمانی نیشتیمانی 

لەئەنجومەنی پاریزگای سلیمانی

٣-١٠-٢٠١٨