ئەمە بڵاوبكەوە
FaceBook  Twitter  

بریار محەمەد

سەرچاوەیەكی پۆلیسی شارەدێی قەرەتەپە، تەقاندنەوەی خانوویەكی لەگوندی سنوری شارەدێكە راگەیاند و بورپرسێكی كوردیش هێزە عێراقیەكان بە لاواز پێناس دەكا.

سەرچاوەیەكی پۆلیسی شارەدێی قەرەتەپەی سەربەشارۆچكەی خانەقین، بەتایبەت بە (رێگای كوردستان)ی راگەیاند، " بەرەبەیانی ئەمڕۆ 4 شەمە 3ی ئۆكتۆبەری 2018 كاتژمێر 5 ی بەیانی تیرۆریستانی دەوڵەتی خەلافەتی ئیسلامی ناسراو بەداعش خانوویەكیان لەگوندی ( ساری تەپە)ی نزیك بە شارەدێی قەرەتەپەی سەربەشارۆچكەی خانەقین تەقاندەوە.

ئەو سەرچاوە وتیشی" پێشتر دەوروپشتی خانوەكە بۆمب رێژكراوەو پاشتر تەقێنراوەتەوە بەڵام زیانی گیانی لێ نەكەوتۆتەوە.

سەرچاوە كە بەژمارەش باسی لەوەكرد،" ئەوە هەشتەم خانووە لەگوند لەماوەی ئەم 2 مانگەدا بتەقێنرێتەوە.

لای خۆشیەوە، كەمال ئیبراهیم، بەرپرسی لیژنەی ناوچەی قەرەتەپەی پارتی دیموكراتی كوردستان هەواڵەكەی بۆ (رێگای كوردستان)،ئاشكرای كرد" لاوازی هێزەكانی سوپای عێراقی لەلایەن داعشەوە قۆستراوەتەوە بۆئەنجامدانی كردوەی تیرۆریستی.