ئەم هەواڵە بڵاوبكەوە
FaceBook  Twitter  

فەرماندەیەکی پێشمەرگە ئاشکرایدەکات: چەكدارانی داعش لە سنوری قەزای مەخمور جموجۆڵیان دەستپێکردۆتەوە. دەشڵێت: بەسەدان چەکداری داعش لە سنورەکەدا ماون بەڵام، بە رۆژ هیچ جموجۆڵێكیان نییە.

لیوا زریان شێخ وەسانی، فەرماندەی پێشمەرگە لە میحوەری مەخمور بەمیدیاكانی راگەیاند: جموجۆڵی چەكدارانی داعش لە سنوری مەخمور هەن، بەتایبەت لە گوندەكانی پونگینە و قەراج لە چیای قەرەچوغ و بەسەدان چەكدار لەو سنورە ماون".

وتیشی: لە نێوان هێزی پێشمەرگەی كوردستان و سوپای عێراق چەكدارانی داعش بوونیان هەیە و بە ئاشكرا لە گوندەكان دەسوڕێنەوە.

لیوا زریان شێخ وەسانی ئەوەی خستەڕوو: سەنگەرەكانی پێشمەرگە توندوتۆڵن و هەموو جۆرە چەكێكیان لایە و بەردەوام لە ئامادەباشیدان.

فەرماندەكەی پێشمەرگە ئاماژەی بەوەشكرد: چەكدارانی داعش لە سنوری مەخمور بە رۆژ هیچ جموجۆڵێكیان نییە، بەڵام لە شەواندا بەڕووی سوپای عێراق چالاكی چەكداری ئەنجام دەدەن.