ئەمە بڵاوبكەوە
FaceBook  Twitter  

بەڕێوەبەرایەتی چاودێری و گەشەپێدانی كۆمەڵایەتی هەولێر ئاشكرای دەكات لەماوەی ساڵی ٢٠١٨ی لە سنوری پارێزگای هەولێری ٣٢٥ ئافرەت هەڕەشەیان لەسەربووە و داڵدەدراون.

رۆژی شەممە 9ی شوباتی 2019 یوسف چاوشین بەڕێوەبەری بەڕێوەبەرایەتی چاودێری و گەشەپێدانی كۆمەڵایەتی هەولێر لە كۆنگرەیەكی رۆژنامەنوسیدا رایگەیاند، لە سنوری پارێزگای هەولێر سێ خانەی پاراستنی منداڵان هەیە و كۆی ئەو منداڵانەی سەر بەو خانانەن ٢٦٦ منداڵن و ٤١ منداڵ لەو خانانەدان و لە دەرەوەی خانەكانیش ٢٢٥ منداڵ لە ژێر چاودێری ئەواندان.

یوسف چاوشین راشیگەیاند، لە ساڵی ٢٠١٨دا چەندین منداڵیان گەڕاندووەتەوە بۆ خێزانەكانیان، و بۆ بەدەمەوەچوونی كێشەكانی منداڵان، هێڵێكی فریاكەوتنیان بەردەست خستووە.

بەڕێوەبەری بەڕێوەبەرایەتی چاودێری و گەشەپێدانی كۆمەڵایەتی هەولێر سەبارەت بە داڵدەدانی ژنان وتی، لە ساڵی ڕابردوودا لە سنوری پارێزگای هەولێر ٣٢٥ ئافرەت داڵدەدراون و لە ئێستادا ٢٤ ژن لە خانەكانی داڵدەداندا ماونەتەوە و داڵدەدراون.