ئەمە بڵاوبكەوە
FaceBook  Twitter  

 Related image

بڕیار محەمەد

 

سەرچاوەیەك لە پۆلیسی دیالە، ئاراستەی هاوەن بارانی ناوچەیەكی جێ ناكۆك ئاشكرا دەكات،پاش ئەوەی بەهۆی هاوەن بارانەوە 7 كەس بونەقوربانی.

رۆژی پێنجشەممە 14ی ئاداری 2019، عەلی حەیدەر، ئەفسەری هەواڵگری پۆلیسی دیالە،بە (رێگای كوردستان)ی راگەیاند" پاش لێكۆڵینەوەی هێزە ئەمنیەكان دەركەوتووە كە لە سنوری باكوری رۆژهەڵاتی شارەدێی قەرەتەپەوە هاوەن بارانی قەرەتەپەكراوەو بەو هۆیەوە كەسێك گیانی لەدەستداوەو 6 كەسی تریش برینداربونە.

ناوبراو گووتیشی، ئەو ناوچانە زیاتر هێزەكانی حەشدی شەعبی و سوپای عێراقی لێیە".

ئاماژەیدا لە سنوری تبح لەنێوان قەرەتەپەو جەلەولا هاوەنەكان وەشێنراوە.

بە گووتەی محەمەد عومەر، بەرپرسی كۆمیتەی رێكخستنی قەرەتەپەی یەكێتی نیشتمانی كوردستان، ئێوارەی دوێنێ چوارشەممە ۱۳/۳/۲۰۱۹ چەكدارانی داعش بۆردومانی ناوچەی خوارووی شارەدێی قەرەتەپەیان كردووە و بەو هۆیەوە هاووڵاتییەك بەناوی (حەسەن موحسێن) گیانی لە دەست داوە ٦ هاووڵاتیی دیكەش بریندار بوون كە برینی هەندێكیان سەختە و بۆ چارەسەركردن ڕەوانەی نەخۆشخانەی گۆڵاڵە كراون".