ئەمە بڵاوبكەوە
FaceBook  Twitter  

 

لقی سۆرانی كۆمەڵەی ئافرەتانی كوردستان، رایدەگەینێت: وێرای نیگەرانیمان لە زیادبوونی توندوتیژی بەرامبەر ئافرەتان، هاوكات نیگەرانین لە جێ بە جێ نەكردنی یاساكانی پەیوەست بە توند و تیژی ئافرەتان و بە سزا نەگەیاندنی تاوانباران.

دەقی راگەیەندراوەكە:

بۆ / حكومەتی هەرێمی كوردستان

لێژنەی ئافرتان لە پەرلەمانی كوردستان

ئەنجوومەنی باڵای خانمان

رای گشتی

بەداخەوە ڕایدەگەیەنین خۆسوتاند و خۆكوشتن و پێشێلكاری بەرامبەر ئافرەتان بە گشتی لە هەرێمی كوردستان ڕووی لە زیادبوون كردووە، لە ماوەی چەند مانگی ڕابردوودا لە دەڤەری سۆران زیاتر لە 5 حاڵەتی خۆسوتاند ڕوویداوە و چەندین ئافرەتیش ڕووبەڕووی هەرەشە و ئەشكەنجەدان بوونەتەوە،جگەلەم حاڵاتانەی كە بەهۆكاری جیاجیا لە بەرێوەبەرایەتیەكاندا تۆمارنەكراون، زیادبوونی پێشێلكاری بەرامبەر بە ئافرەتان لە كاتێكدایە زۆرینەی رووداوەكانی خۆسوتاندن و خۆكوشتنی ئافرەتان لە ژێر فشاری كەس و كاریان دابووە,ئێمە لە لقی سۆرانی كۆمەڵەی ئافرەتانی كوردستان وێرای نیگەرانیمان لە زیادبوونی توندوتیژی بەرامبەر ئافرەتان، هاوكات نیگەرانین لە جێ بە جێ نەكردنی یاساكانی پەیوەست بە توند و تیژی ئافرەتان و بە سزا نەگەیاندنی تاوانباران و چارەسەركردنی كەیسەكانی ئافرەتان لە دەرەوەی یاسا، لێرەدا داواكارین پەرلەمانی كوردستان و ئەنجوومەنی باڵای خانمان و تەواوی لایەنە پەیوەندیدارەكان هەوڵی جدی بخەنە گەر بە مەبەستی بەرەنگاربوونەوەی توندوتیژی بەرامبەر ئافرەتان و بەدواداچوون بۆ كەیسەكانیان.

لەگەڵ ڕێزدا

لقی سۆرانی كۆمەڵەی ئافرەتانی كوردستان.

نیسانی 2019