ئەمە بڵاوبكەوە
FaceBook  Twitter  

گەڵا جاف- گەرمیان

پۆلیسی گەرمیان، بەربەیانی ئەمڕۆ پێنج شەمە 16ی ئایاری 2019 گیان لەدەستدانی هاوڵاتیەكی لەكاتی نەشتەرگەری لە شارۆچكەی كەلاری ناوەندی ئیدارەی گەرمیان راگەیاند، دەشڵێت "ئەوپزیشكەی نەشتەرگەری بۆی كردوەگیراوە".

موقەدەمی ماف پەروەر ، عەلی جەمال قەدوری بە (رێگای كوردستان) ی راگەیاند، شەوی چوارشەمە لەكاتی نەشتەرگەریدا لەتەلاری ئەحمە د لەنێو بازاڕی شارۆكەی كەلار هاوڵاتیەك بەناوی (سەرهەنگ جەلال عبدلقادر) لەدایكبووی 1991 دانیشتووی گەڕەكی بنگردی كەلار گیانی لەدەستدا.

گووتیشی، لەئێستادا تەرمی ناوبراو بەمەبەستی توێكاری ڕەوانەی پزیشكی دادوەری سلێمانی كراوەو لەسەر سكاڵای كەسووكاری و بەبڕیاری دادوەر دكتۆرەكەی ڕاگیراوە و پۆلیس دەستی بەلێكۆڵینەوەكردوەو چاوەڕوانی ئەنجامی پزیشكین لەسەر هۆكاری گیان لەدەستدانی ناوبراو.